Ons het die wonderlik voorreg gehad om op 1 November 2009 ’n besondere nagmaal by Helderberg Villiage te beleef.  Dit was nie net die 40^ste verjaarsdag van die gemeente nie, maar ook ’n geleentheid waar jong en minder jong saam nagmaal kon gebruik. ’n Groep van ons kinders wat deel uit maak van die Tekkie kerk het die dag spesiaal koekies gebak en netjies verpak met mooi kaartjies.

Dr. Paul Barnard het die diens gelei. Gedurende die diens het die jongmense ons ook gehelp met die bediening van die nagmaal en aan die einde van die diens het hulle, die geskenkies wat hulle gemaak het oorhandig. Dit terwyl Charl en Juan Visser gesorg het vir musiek uit die boonte rakke. Beide jonk en oud het getuig daarvan dat dit vir hulle ’n wonderlike ervaring was waar hulle die teenwoordigheid van God beleef het.

Het jy al ooit in die vliegtuig gesit en luister na die lugwaardin wat vir jou al die reels deergee voor opstyg? Dit is alles sulke voor die hand liggende dinge wat hulle vir jou sê, jy sien hoe knik koppe inskiklik en dan ewe skielik is dit asof die helfte van die koppe stywe nekke gekry het. Wat het sy nou kwyt geraak?

Vrydag aand se Geen Grense Worship en Saterdag se Geen Grense Workshop was vir die Helderberg Gemeente Tienerband ’n wonderlike belewenis gewees. Vrydag het ons mooi opgestel vir die Workshop deur die groep wat sonder tierlanteinjies die Worship gelei het. Dit het vir al die outjies subtiel vertroue in die groep se “professional experience” gegee. Dit het toegelaat dat hulle Saterdag baie maklik al die informasie wat deurgegee is ingeneem het.

Saterdag het ons met die 2 werkswinkels begin wat baie lekker was. Ons het begin met redelik baie teorie, maar baie waardevolle teorie. Die sessies was ’n bietjie kort om lekker prakties te kon raak. Die skill level het ook baie gewissel en dit het versoorsaak dat van die outjies bietjie bragerig wou raak terwyl die beginners meer in hulle dop gekruip het. Ten spyte daarvan het almal, afgesien van sy tegniese vermoe, die teorie ingeneem. Dinge soos hoe om met jou band members te konnekteer, om vir die leier te luister en uit te kyk vir die tekens, om nie op die Glory Lorrie te klim nie en dat spasies baie nodig is was ontsettend wardevol.

Op Donderdag 22 Oktober het ek die voorreg gehad om na die Familiebediening se drama te gaan kyk. Ronell Erwee een van die jong volwassenes in ons gemeente het 'n drama geskryf oor 'n jong dogter wat gemolesteer is.

Aan die einde van laas jaar het Ronell haar droom met ons gedeel en ons was baie opgewonde. Ronell het begin om die draaiboek te skryf en voorrendag gekom met iets ongeloofliks! In die begin van die jaar het sy haar projek bemark en 'n klomp jongmense het besluit om hieraan deel te neem. Vir 'n jaar lank het hulle elke Sondag geoefen. Die meeste van hierdie tieners het nog nooit in hulle lewe so 'n rol vertolk op 'n verhoog nie. As dit ek moes wees sou ek seker 'n paar keer oorweeg het om op te gee. Nie Ronell nie, sy het vasgebyt, op Sondae kinders rondgery, koeldrank, lekkers en kos uit haar eie sak gekoop. Baie liefde en geduld aan die dag gelê en Sondag na Sondag in hierdie jongmense se lewens ingebou.

Die resultaat hiervan was iets onbeskryflik. Donderdag aand het ek rondom my gekyk en gesien hoe lag mense uit hulle maag, maar ook later hoe sit hulle en trane afvee. Die boodskap van die drama was so duidelik, so seer en tog so vol hoop. Die effek van molestasie op 'n jongmens se lewe is duidelik oorgedra. Die seer waarmee hulle saamleef, saamloop, oorloop. Die manier hoe dit hulle persoonlikheid, selfvertroue en verhoudings beïnvloed. Ek wens ek kon hierdie groep vat en hulle meer blootstelling gee. Ek dink dit is 'n boodskap wat jongmense definitief moet hoor en sien.

As ek na ons jongmense kyk wat dit opgevoer het is ek baie trots op hulle en hulle deursettingsvermoë. Dankie ook aan al die ouers wat bereid was om opofferings te maak. As akteurs sou 'n mens nooit kon se dat hulle nie formele opleiding gehad het nie. Ek het nou vir die eerste keer in my lewe ook akteurs wat ek bewonder.

Ronell is bygestaan deur Andre. Hy is 'n opera sanger, toneel skrywer, musikant, regisseur en eintlik enige iets wat te make het met kuns. Andre het sy tyd en energie gegee om in hierdie kinders se lewens in te bou en om vir Ronell te ondersteun. Dankie julle, julle toneelstuk het mense se lewens geraak. Indien daar iemand is wat volgende jaar wil inskakel by hierdie bediening is julle welkom om my of Renier te kontak.

Groete

Paul Barnard